@@@@@يا ريتك ما تصلي على النبي بالشكل دا@@@@@

ابدأ كلامى بخير الكلام
والصلاة على خير الانام

{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا} (56) سورة الأحزاب

صلى على الحبيب المصطفى
اللهم صلى على محمد وعلى ال محمد عدد ما ذكره الذاكرون وغفل عن ذكره الغافلون

أوصانا الحبيب عليه افضل الصلاة والسلام ان نكثر من الصلاة عليه ومن صلى عليه صلاة صلى الله بها عليه عشرة
جميل ان والدتى لما كانت بتحكيلنا حدوتة تقول صلوا على النبى الاول او مثلا وانت ناسى حاجة تصلى على النبى عشان تفتكرها

لكن فيه بعض المواقف باشوف الناس بتصلى على النبى واقول ياريته ما صلى عليه

مثلا -واحد بيعاكس واحدة يقوم يقول اللهم صلى على جمال النبى

ده ينفع؟[ندعوك للتسجيل في المنتدى أو التعريف بنفسك لمعاينة هذه الصورة]

-واحد عاوز يوصل لك رسالة انك لازم تسيب حقك وتاخد على دماغك وتسكت يقوم يقولك ياعم صلى على النبى

-واحد بيفتح معاك نميمة وانت بتقوله دع الخلق للخالق يقولك صلى على النبى ده كيت وكيت وكذا وكذا[ندعوك للتسجيل في المنتدى أو التعريف بنفسك لمعاينة هذه الصورة]

-والافظع بقى زفة فى فرح والكل ناسى يلبس هدومه والراقصة الفاميلى سايز تترنح والكل يصفق صلى على النبى صلى على النبى او صلى صلى واللى ما يصلى مش عارفة ابوه ايه وامه ايه ده ينفع

-طيب دول ناس بيئة مثلا وياى منهم.[ندعوك للتسجيل في المنتدى أو التعريف بنفسك لمعاينة هذه الصورة]
الناس بقى اللى مش بيئة فى اول الفرح (والكل برضو بينسى يلبس هدومه صيف وشتاء) تلاقى هشام عباس يغنى اسماء الله الحسنى والناس آخر خشوع وأول ما يقول اللهم صلى على اسعد مخلوقاتك هوببا تلاقى الكل بيتمايل ويصفق والبعض يرقص

فيه ايه ياناس[ندعوك للتسجيل في المنتدى أو التعريف بنفسك لمعاينة هذه الصورة]

واللا اللى بيرقصو على اغانى سامى يوسف واللى برضو بيصلى فيها على النبى

ياجماعة لازم ذكر النبى صلى الله عليه وسلم له احترامه وآدابه ماينفعش نقرنه بافعال غير مناسبة له.

[size=29]كله الا ذكر النبى[ندعوك للتسجيل في المنتدى أو التعريف بنفسك لمعاينة هذه الصورة]

نحن نحتاج لتنزيه نبينا عن مجالس اللغو ونخشع فى ذكره صلى الله عليه وسلم

وعذرا يارسول الله

والصلاة والسلام على الحبيب بتهدى فعلا
بس مش معنى كده نسيب الامور تدخل فى بعضها
ونسيب البشر يقولوها وهما بيرقصوا وهما بينموا وهما بيفاصلوا
لو تفكروا فى معناها فعلا مكانوش سرقوا ولا نموا ولا عاكسوا

الهدف من الموضوع

اننا نلفت نظر كل اللى نعرفهم مش كفايه احنا عرفنا وخلاص
ولو كل واحدة عرفت اهل بيته وجيرانه وقرايبه
ان لكل مقام كلام وان الحبيب المصطفى صلوات الله عليه وتسليماته مقامه اكبر بكتير من انه يتم ذكره فى مواقف ذى دى
ممكن يتغير الوضع مع الوقت

ياريت نبعد بذكر النبى عن اللغو فى كلامنا

اسأل المولى جل وعلى أن يجعل عملنا هذا خالصا لوجهه، وأن ينوّر أبصارنا وبصائرنا ويرينا الحق حقا ويرزقنا اتباعه ويرينا الباطل باطلاً ويرزقنا اجتنابه، ولا يجعله ملتبسا علينا فنظل، وأن يحشرنا جميعا في زمرة نبيه صلى الله عليه وسلم

_________________
[ندعوك للتسجيل في المنتدى أو التعريف بنفسك لمعاينة هذا الرابط][/size]

بارك الله فيكى

يا اختى

شكرا علي المرور

» @@@@@يا ريتك ما تصلي على النبي بالشكل دا@@@@@
» سجل حضورك في المنتدي بالصلاة علي النبي محمد صلي الله عليه وسلم